Լիթիումային մարտկոցները ժամանակակից էներգիայի կուտակման ամենաարդյունավետ տեխնոլոգիաներից են։ Դրանք աշխատում են լիթիումի իոնների շարժման միջոցով՝ ապահովելով բարձր էներգիայի խտություն և երկարատև աշխատանք։ Այս մարտկոցները առանձնանում են փոքր քաշով, արագ լիցքավորման կարողությամբ և ցածր ինքնալիցքաթափմամբ, ինչը դրանք դարձնում է շատ հարմար շարժական և ստացիոնար կիրառությունների համար։ Լիթիումային մարտկոցներն այսօր լայնորեն օգտագործվում են էլեկտրական մեքենաներում, արևային էներգիայի համակարգերում, լափթոփներում, սմարթֆոններում և էներգիայի պահեստավորման կայաններում։ Դրանք օգնում են ապահովել կայուն և մաքուր էներգիայի օգտագործում՝ նվազեցնելով կախվածությունը ավանդական վառելիքներից։
Վստահելի պրոդուկտ
Ինչպես է աշխատում լիթիումային մարտկոցը
Մարտկոցի աշխատանքի գործընթացը
Արեւային կայանի հետ միացվելու դեպքում մարտկոցը կուտակում է այն էներգիան, որը ստացվում է արեւային վահանակներից օրվա ընթացքում։ Երեկոյան կամ էլեկտրականության անջատման ժամանակ այդ կուտակված էներգիան օգտագործվում է տան կամ բիզնեսի էլեկտրամատակարարումը շարունակելու համար։ Այս կերպ լիթիումային մարտկոցը ապահովում է անխափան և անկախ էներգիա՝ բարձրացնելով համակարգի արդյունավետությունը։
Մարտկոցներ բնակարանների համար
Անվտանգ եվ հուսալի լուծում ձեր բնակարանում
Լիթիումային մարտկոցները հնարավորություն են տալիս կուտակել արևային կայանից ստացված էներգիան և օգտագործել այն երեկոյան ժամերին կամ հոսանքի անջատման դեպքում։ Այս մարտկոցները ունեն երկար սպասարկման ժամկետ, բարձր արդյունավետություն և ապահով աշխատանք՝ առանց հատուկ սպասարկման անհրաժեշտության։
Մարտկոցներ բիզնեսի համար
Անհատական լուծում ձեր բիզնեսի համար:
Մեր լիթիումային մարտկոցային համակարգերը նախատեսված են բիզնեսների համար՝ ապահովելով արդյունավետ և կայուն էներգամատակարարում։ Մենք առաջարկում ենք անհատականացված լուծումներ՝ հաշվի առնելով յուրաքանչյուր բիզնեսի սպառման առանձնահատկությունները։
Արդյունաբերական նշանակության կուտակիչ համակարգեր (BESS)
Կուտակեք հետագա վաճառքի կամ օգտագործման համար
Մարտկոցային էներգիայի կուտակման համակարգերի (BESS) նպատակն է կուտակել էլեկտրաէներգիան երբ այն էժան է, եվ մատակարարել այն ժամանակ երբ կա բարձր պահանջարկ, կամ ցանցի անջատումների կամ այն ժամանակ, երբ վերականգնվող աղբյուրները, ինչպիսիք են արևային և քամու էներգիան, չեն արտադրում էներգիա: